122

REGISTRES DU BUREAU

[i569]

CXCVI. — Visitation des armes par commandement du Roy de Navarre.

8 mai 1562. (Fol. 120 r°.)

"Au jour d'huy, huictiesme jour de May, l'an mil cinq cens soixante deux, le Roy estant à Paris, et par l'advis de la Royne sa mere et du Roy de Navarre, son Lieutenant general representant sa personne par tous ses royaulmes et pays, et pour certain bon respectz, a commandé et ordonné au Prevost des Marchans et Eschevins de ceste ville dc Paris, que le plus promptement et dilligenment qui leur seroict possible, qu'ilz ayent à faire faire par toutes les maisons particulieres de ceste Ville, sans aulcune en excepter ny reserver, la recherche, perquisition et verification de toutes les armes, tant offensibles quedeffensibles, pistolles et pistolletz, munition de guerre et d'artillerye qui se trouverront estre es maisons t¹), et ce parles commissaires, Quarteniers ,Dixai-niers et Cinquanteniers de lad. Ville, lesquelz, selon qu'ilz seront particullierement commis, appelleront

quatre des plus notables bourgeois du quartier pour estre present à lad. recherche qu'ilz feront desd, armes et munitions, et non d'au!tres choses, mettront tout ce qu'ilz en trouverront en chascune desd, maisons particullieres par bon et loyal inventaires sans en rien déplacer ne remuer.

"Et à ceste fin a Sad. Majesté commandé et commande ausd, commissaires, Quarteniers, Dixainiers et Cinquanteniers, sur peyne de prison et d'amende arbitraire, ilz ayent à obeyr ausd. Prevost des Marchans et Eschevins de tout ce que dessus sans faire faulte ny difficulté. Et en tesmoing de quoy, elle m'a commender en expedier la presente ordonnance et toutes aultres commissions, si aulcunes sont pour ce necessaires, led. jour et an que dessus.-)

Signé : Bourdin.

CXGVII. — Arrest de la Court sur

11 mai 1562

Extraictz des Registres de Parlement. k Veue par la Court la requeste à elle presentée par les manans et habitans de la ville et faulxbourgs de Paris, contenant que sur les deux supplications par eulx cy devant présentées au Roy, au bas desquelles est a plain mentionné la bonne volunté et permission dud. S^r, que les supplians désiroient faire executer selon leur forme et teneur, comme tandant à la conservation de son estat et assurance de Sa Majesté et de sa bonne et capilalle ville de Paris, repos et tranquillitté publicq, requerant pour plus grande asseurance lesd, deux requestes et ordonnance mises au bas d'icelles estre enregistrées au greffe de lad. Court, et par elle autorisées, et le tout à ceste fin estre communicqué au Procureur general dud. Sei-

DEUX REQUESTES PRESENTEES PAR LA VlLLE.

. (Fol. 120 v°.)

gneur, veues aussi lesd, deux requestes et ordonnances mises au bas d'icelles, signées: Bourdin ; oy sur ce le Procureur general du Roy, ce consentant ct requerant, le tout consideré, a auctorisé et auctorisé , cn tent que à elle est, lesd, requestes et ordonnances mises au bas d'icelles, et ordonne qu'elles seront enregistrées au greffe de lad. Court.

"Faict en Parlement, le v° jour de May, l'an mil V^e LXII'"²). a

Signé : Dc Taillet.

Collation de la presente coppye a esté faicte à l'original d'icelle par nous notaires du Roy nostre Sire en son Chastellet dc Paris soubz signez, [l'an] mil v° lxii, le lundy, unzeiesme jour de May.

(■) Les huguenots de Paris réfugiés à Orléans firent courir le bruit que le Conseil du Roi avait résolu sde faire la visite des armes ot de désarmer toutes les maisons suspectes de la huguenoterie», uniquement dans le but de les massacrer. Comme les religionnaires menaçaient de représailles, on prit soin de démentir ce bruit, en assurant que le désarmement des gens suspects se faisait "non pour les tuer, mais pour garder qu'ils ne se levassent contre les autres, si par fortune ceux d'Orléans venaient contre ceux de Parisil. {Journal de l'année i56a, Revue rétrospective, t" série, t. V, p. io3.)

(2) Cet arret du Parlement, ordonnant l'enregistrement des deux requêtes présentées au Roi par les habitants de Paris, se trouve au Conseil. (Archives nationales, Parlement de Paris, X¹" 1601, fol. 198 v°.)